Ab tak ki Punjab ki sabse badi khabar — Punjab mein aaj se complete blackout, sakht aadesh jaari. Bharat-Pak ke beech bane yudh ke mahaul ke beech is waqt ki sabse badi khabar saamne aayi hai. Bharat sarkar dwara Pakistan ke khilaaf shuru ki gayi jung ke tahat kiye gaye Operation Sindhoor ke chalte paida hui sthiti ke kaaran Gurdaspur jile mein ab roz raat ko blackout karne ke aadesh jaari kiye gaye hain.
Is sambandh mein jankari dete hue Atirikt Zila Magistrate Dr. Harjinder Singh Bedi ne bataya ki Bharat-Pakistan seema par samvedansheel mahaul ke kaaran Bharat sarkar aur Punjab sarkar ke disha-nirdeshon ke anusar agle aadeshon tak gharon, sarkari vibhaagon, kendriya jail, Gurdaspur, aspatalon ki khidkiyon ko raat 9 baje se agle din subah 5 baje tak band rakhne ke saath-saath unhe achhi tarah se dhak kar rakhne ko kaha gaya hai, taaki koi roshni ki kiran bahar na jaa sake.
